01年地中海之旅 - 葡萄牙篇 2: 較有睇頭的Sintra

在來到Lisbon之前, 因為我仍對澳門舊日的樣貌仍然念念不忘, 故此對葡萄牙的建築物抱有頗大期望 - 我並非想看一些金碧輝煌的東西, 而是想尋找欣賞特色建築物。雖然Lisbon與Alcobaga兩地都頗令我有失望, 可幸當我來到Sintra及Cascais時, 終於令我感到葡萄牙「有d野喎」。

外型得意可愛的Pena皇宮, 是我覺得在葡萄牙境內最有睇頭的地方之一

參觀Pena皇宮是去Sintra的指定參觀動作, 外形真是幾得意, 只不過稍嫌它的外牆缺乏修葺保養, 油漆顯得很殘舊。慶幸內裏還保存得很好, 算是一絲安慰, 裝修歐陸風味極濃厚, 由皇宮的塔頂望出去, 可以欣賞到Sintra全景, 當中包括Mouros古城遺跡。

由Pena皇宮屋頂, 望去Mouros古城遺跡

之後諗住前往參觀Sintra皇宮, 不過去到發現並沒有開門, 其實它的外形相當特別, 尤其是屋頂的兩枝煙囪, 感覺好似掉轉了的雪糕筒。根據資料顯示, 這兩枝煙囪曾經肩負起煮「大鑊飯」的重任。

(上圖) Sintra皇宮, 最特別的是那兩條像雪糕筒般的煙囪

Sintra皇宮附近, 亦不難發現到一些古堡式別墅, 再加上周圍都係綠油油既樹木, 再加點枯黃的落葉及美麗的花朵, 使到整個城鎮顯得古雅精緻。